Psa 87 | AmhNASV | STEP | የቆሬ ልጆች መዝሙር፤ ማሕሌት። መሠረቱን በተቀደሱ ተራሮች አቆመ፤

Psalms 87

ጽዮን የሕዝቦች እናት

የቆሬ ልጆች መዝሙር፤ ማሕሌት።

1 መሠረቱን በተቀደሱ ተራሮች አቆመ፤
2 እግዚአብሔር ከያዕቆብ ማደሪያዎች ሁሉ ይልቅ፣
የጽዮንን ደጆች ይወድዳል።

3 የእግዚአብሔር ከተማ ሆይ፤
ስለ አንቺ ክቡር የሆነ ነገር እንዲህ ተብሎ ይነገራል፤ ሴላ
4 “ከሚያውቁኝ መካከል፣
ረዓብንና ^{▼▼የግብፅ ቅኔያዊ ስያሜ ነው።} ባቢሎንን እጠቅሳለሁ፤
እነሆ፤ ፍልስጥኤምና ጢሮስ ከኢትዮጵያ ጋር፣ ^{▼▼ወይም ረዓብ ባቢሎን፣ ፍልስጥኤምና ኢትዮጵያ}
‘ይህ ሰው በዚያ ነው የተወለደው’ ይላሉ።”
5 በርግጥም ስለ ጽዮን፣
“ይህም ያም ሰው በእርሷ ውስጥ ተወለዱ፤
ልዑልም ራሱ ያጸናታል” ይባላል።
6 እግዚአብሔር ሕዝቡን ሲመዘግብ፣
“ይህ ሰው የተወለደው በዚያ ነው” ብሎ ይጽፋል። ሴላ

7 የሚያዜሙም መሣሪያ የሚጫወቱም፣
“ምንጩ ሁሉ በአንቺ ውስጥ ይገኛል” ይላሉ።